Замест аўтавакзала «Усходні» ў Мінску адкрылі Цэнтр тэхнічнай творчасці дзяцей і моладзі ФОТЫ

Мінскбуд і Мінгарвыканкам паказалі, як ён выглядае ўсярэдзіне, піша Blizko.by. 

 Навучальныя класы, лабараторыі, майстэрні, рэсурсныя цэнтры, трасы для картынгаў і мотатэхнікі, басейн для суднамадэлявання — у цэнтры створана асяроддзе для заняткаў тэхнічнай творчасцю з прыцэлам выбару ў будучыні прафесій, звязаных з тэхнічнымі спецыяльнасцямі.

Гэта можа быць альтэрнатыўная энергетыка, робататэхніка, радыёэлектроніка, 3D-мадэляванне, канструяванне беспілотнікаў і многае іншае.

Абслугоўваць пасажыраў на аўтавакзале «Усходні» перасталі ў 2016 годзе. У 2020‑м ён на некаторы час аднавіў працу, аднак праз два гады яго сталі выкарыстоўваць у асноўным толькі для міжрэйсавага адстою аўтобусаў. Цяпер жа аўтавакзалам гэты будынак быць канчаткова перастаў.

Каментары да артыкула