Трамп анансаваў вызваленне закладнікаў у Газе ў пачатку наступнага тыдня
Прэзідэнт ЗША Дональд Трамп паведаміў, што ізраільскія закладнікі, якія знаходзяцца ў сектары Газа, павінны быць вызваленыя ў панядзелак або аўторак. Пра гэта ён заявіў падчас пасяджэння Кабінета міністраў у Белым доме, паведамляе Reuters.
Дональд Трамп. Фота: Win McNamee / Getty Images
Трамп адзначыў, што вызваленне можа адбыцца 13 або 14 кастрычніка, і назваў гэты дзень «днём радасці».
Ён таксама выказаў надзею, што прыме ўдзел у цырымоніі падпісання пагаднення ў Егіпце. Паводле яго слоў, у межах плана сектар Газы будзе «паступова адноўлены», хоць дэталяў ён не ўдакладніў.
Як чакаецца, палесцінскі рух ХАМАС вызваліць 20 закладнікаў праз 72 гадзіны пасля пачатку перамір’я.
9 кастрычніка Трамп абвясціў пра падпісанне Ізраілем і ХАМАСам першага этапу мірнага плана, які прадугледжвае вызваленне ўсіх закладнікаў і адвод ізраільскіх войскаў на ўзгодненую лінію.
Раней адміністрацыя Трампа апублікавала падрабязнасці гэтай ініцыятывы.
Чытайце таксама:
Ізраіль і ХАМАС падпісалі дамоўленасці ў межах першага этапу мірнага плана
Трамп заклікаў усіх, хто ўдзельнічае ў перамовах па Газе, дзейнічаць хутка
Трамп паведаміў пра згоду Ізраіля на прапанаваную ім лінію адводу войскаў
ХАМАС прыняў асноўныя палажэнні плана Трампа і пагадзіўся адпусціць усіх закладнікаў