У Мінэнерга паабяцалі даць беларусам магчымасць выбіраць пастаўшчыкоў энергіі
Міністр энергетыкі Беларусі Дзяніс Мароз паведаміў, што неўзабаве беларусы змогуць выбіраць пастаўшчыкоў электраэнергіі з больш выгаднай цаной.
Здымак ілюстрацыйны. Фота: LookByMedia
Цяпер, паводле слоў чыноўніка, завяршаецца праца над стварэннем агульнага рынку электраэнергіі Беларусі і Расіі. Аб’яднанне энергарынку дасць магчымасць стварыць адзіную сістэму з агульнымі правіламі яе функцыянавання.
Пасля запуску гэтага рынку і беларускія, і расійскія спажыўцы нібыта змогуць выбіраць, у каго набываць электраэнергію.
«Спажыўцы атрымаюць магчымасць выбіраць пастаўшчыкоў, якія прапануюць больш зручныя ўмовы і выгадныя цэны», — адзначыў кіраўнік Мінэнерга.
Чытайце таксама:
Беларуская АЭС вырабіла 50 млрд кВт·г электраэнергіі
«Зрабілі правільныя высновы». Міністр энергетыкі ацаніў ліквідацыю наступстваў непагадзі
Прычынай энергетычнага калапсу ў Мазыры стаў беспілотнік, які заляцеў у Беларусь