У Празе знікла беларуска Іна Мацыенка
У Чэхіі шукаюць 48‑гадовую ўраджэнку Беларусі, грамадзянку Францыі Іну Мацыенка. Апошні раз яе бачылі на аўтавакзале «Флорэнц» у Празе, дзе яна двойчы спрабавала купіць квіток да Варшавы.
Іна Мацыенка. Фота: Фэйсбук
Як паведамляецца, ёй не прадалі квіток да Варшавы, бо праз кепскі стан здароўя яна магла выглядаць як нецвярозая.
Пазней Іна Мацыенка звязалася са сваёй маці і паведаміла, што яе абрабавалі. Пасля гэтага сувязь з жанчынай знікла.
Іна Мацыенка. Фота: Фэйсбук
Прыкметы: рост каля 175 см, цёмна-русыя валасы да плячэй, карыя вочы. Была апранутая ў чорную куртку, сінія джынсы і чорныя спартыўныя туфлі, пры сабе мела невялікі заплечнік.
Па словах маці, яна магла перанесці інсульт.
Інфармацыю просяць паведамляць праз тэлефон +48 606 107 885.
Чытайце таксама:
На выбарах у Чэхіі пасля падліку 70% галасоў упэўнена лідзіруе апазіцыя
Тыкток закрыў дзясяткі акаўнтаў за ўмяшанне ў выбары ў Чэхіі
Перад выбарамі ў Чэхіі ў тыктоку актывізаваліся сотні прарасійскіх акаўнтаў з шалёнай папулярнасцю