Лукашэнка даручыў Галоўчанку дапрацоўваць праграму сацыяльна-эканамічнага развіцця на наступную пяцігодку
Аляксандр Лукашэнка падпісаў распараджэнне аб стварэнні працоўнай групы для дапрацоўкі праекта Праграмы сацыяльна-эканамічнага развіцця краіны на 2026—2030 гады.
Раман Галоўчанка
У склад групы ўвайшлі дэлегаты Усебеларускага народнага сходу, цяперашнія і былыя кіраўнікі дзяржаўных органаў, прадстаўнікі арганізацый рэальнага сектара эканомікі, а таксама навуковых і грамадскіх структур. Кіраўніком прызначаны Старшыня праўлення Нацыянальнага банка Раман Галоўчанка.
Працоўнай групе даручана сумесна з урадам дапрацаваць праект праграмы і прадставіць вынікі Лукашэнку. Пасля гэтага дакумент будзе вынесены на разгляд Усебеларускага народнага сходу, які збіраюцца правесці да канца гэтага года.
Чытайце таксама:
Усебеларускі народны сход пройдзе ў канцы года
«Таму без усялякай крыўды». Лукашэнка даручыў Галоўчанку сачыць за працаю Турчына