МАРГ вызначыла новыя гранічныя цэны на гародніну і яблыкі

Міністэрства антыманапольнага рэгулявання і гандлю Беларусі вызначыла гранічныя рознічныя цэны на гародніну і яблыкі, якія паступаюць у крамы па дзяржзаказе. Пастанова №58, падпісаная міністрам Артурам Карповічам 28 жніўня 2025 года, 1 кастрычніка апублікаваная на Нацыянальным прававым інтэрнэт-партале.

Фота ілюстрацыйнае

Згодна з рашэннем, цэны за кілаграм прадукцыі будуць наступныя:

• бульба — 1,07 руб.;
• буракі — 1,17 руб.;
• морква — 1,35 руб.;
• капуста — 1,62 руб.;
• цыбуля — 1,68 руб.;
• яблыкі — 4,80 руб.

Новыя цэны пачнуць дзейнічаць з 15 лістапада 2025 года.

Дакумент таксама вызначае максімальную гандлёвую надбаўку ў 30% ад адпускных цэн вытворцаў і пастаўшчыкоў.

Каментары да артыкула