У Расію не прапусцілі 22 тоны беларускай бульбы
23 верасня на пункце пропуску «Красны Камень» у Злынкаўскім раёне Бранскай вобласці спынілі ўвоз вялікай партыі беларускай бульбы, якую везлі ў Растоўскую вобласць.
Фота: 32.fsvps.gov.ru
Падчас праверкі інспектары Рассельгаснагляду выявілі, што 22 тоны бульбы суправаджаліся несапраўдным фітасанітарным сертыфікатам. Гэты дакумент павінен быў пацвярджаць паходжанне бульбы, яе бяспеку і адпаведнасць устаноўленым патрабаванням.
У выніку ўвоз тавару ў Расію забаранілі, а сам груз вярнулі адпраўніку. Таксама вінаватага ў незаконным увозе прыцягнулі да адміністрацыйнай адказнасці.
Чытайце таксама:
Новым сімвалам беларускага турызму зрабілі кветку бульбы
Лукашэнка: Сёлета добры ўраджай і хлеба, і бульбы
Бульба-фітнэс: беларусы паказваюць у сацыяльных сетках, колькі бульбы выкапалі сёлета