У Магілёве затрымалі брата палітвязня Чавусава
Стала вядома, што каля месяца таму ў Магілёве затрымалі Дзмітрыя Чавусава. Паводле інфармацыі Mayday team, гэта брат палітвязня Віталя Чавусава. Прычына затрымання і цяперашні статус мужчыны невядомыя.
Віталь Чавусаў. Фота з сацыяльных сетак
Перад гэтым у канцы мая ў Магілёве асудзілі мясцовага прадпрымальніка, дырэктара адной з рэкламных фірмаў Віталя Чавусава. Як удалося высветліць, яму ставілі ў віну два артыкулы, звязаныя з так званым «садзейнічаннем экстрэмісцкай дзейнасці» — крымінальная справа была звязаная са «справай Гаюна».
Mayday team вядома, што Віталя Чавусава асудзілі да 4 гадоў пазбаўлення волі. Падрабязнасці справы і рэжым умоў адбыцця пакарання невядомыя, Віталь Чавусаў прызнаны палітвязнем.
Чытайце таксама:
Павел Мажэйка: Нашая місія — зрабіць Беларусь нармальнаю краінаю
«Ты села ў турму і не падумала пра мяне». Ларыса Шчыракова пра пачуццё віны перад сынам
«Губазікаўцы схіляюць Калеснікаву да высылкі, але яна не хоча»