У Глыбоцкай калоніі адмовіліся казаць, дзе Статкевіч
Пра гэта жонка палітыка напісала ў сваім фэйсбуку.
«У Глыбокім адмаўляюцца падцвердзіць, што Мікола Статкевіч у іх. Была на асабістым прыёме», — напісала яна.
Марына Адамовіч дадала, што ёй абяцалі адказаць цягам 15 дзён.
Нагадаем, што Міколу Статкевіча вызвалілі ў мінулы чацвер разам з 51 палітвязнямі і збіраліся выслаць з краіны, але ён адмовіўся пакідаць Беларусь. Пасля таго як ён правёў некалькі гадзін на памежным пераходзе, яго забралі невядомыя ў масках.
Паводле «Нашай Нівы», палітыка вярнулі ў Глыбоцкую калонію, дзе той адбываў 14‑гадовы тэрмін.
Чытайце таксама:
«Вызвалены» Статкевіч знайшоўся ў калоніі Глыбокага
Жонка Статкевіча расказала, пра што паспела паразмаўляць з ім