Знішчальнікі НАТА падымаліся па трывозе і ў Літве
13 верасня расійскія самалёты парушылі правілы палёту, таму ў паветра былі паднятыя знішчальнікі НАТА, паведамілі ва Узброеных сілах Літвы. Прытым рабілі гэта яны нават двойчы.
Фота ілюстрацыйнае
«Яны падымаліся для назірання і суправаджэння расійскіх самалётаў, якія парушылі парадак. Абодва выпадкі не былі звязаныя з прэвентыўнымі мерамі ў Польшчы з-за дронаў», — паведамляе літоўская армія.
Расійскія самалёты ляцелі з выключанымі радыёлакацыйнымі аўтаадказчыкамі і без планаў палёту.
Раніцай 12 верасня пачаліся беларуска-расійскія вайсковыя вучэнні «Захад-2025».
Чытайце таксама:
У Польшчы зноў падымалі авіяцыю для барацьбы з дронамі і закрывалі Люблінскі аэрапорт
У паветранай прасторы Румыніі перахапілі расійскі дрон