На наступным тыдні абяцаюць летняе надвор'е
На наступным тыдні, з 8 па 14 верасня, чакаецца амаль летняе надвор’е, хоць афіцыйна восень ужо ўступіла ў свае правы.
Фота ілюстрацыйнае
Паводле прагнозу сіноптыка Дзмітрыя Рабава, зробленага ў эфіры канала АНТ, прычына такой цёплай погоды — паступленне цёплых паветраных мас з поўдня, што павышае тэмпературу на 4—6 градусаў вышэй за звычайную для гэтай пары года. Ападкаў будзе няшмат, таму восень пакуль адчуваецца толькі па календары.
У пачатку тыдня будзе дамінаваць вобласць высокага ціску з пераважна пераменнай воблачнасцю, без істотных ападкаў. Могуць з’яўляцца слабыя ранішнія і начныя туманы. Тэмпература ноччу ад +9 да +15 градусаў, днём — ад +23 да +27 градусаў у панядзелак. У аўторак яна вагаецца ад +21 на паўночным усходзе да +29 на паўднёвым захадзе.
У сярэдзіне тыдня ўплыў антыцыклона з цэнтральных рэгіёнаў Расіі захаваецца: воблачнасць будзе пераменная, дажджы малаверагодныя. Тэмпература ноччу ад +7 да +14 градусаў, днём — ад +20 у Віцебску да +32 у Брэсце.
Да выхадных надвор’е захаваецца цёплае, але больш вільготнае. З захаду падыдзе атмасферны фронт з кароткачасовымі дажджамі. Увогуле чакаецца пераменная воблачнасць, умераны вецер, ноччу і раніцай магчымы туман з бачнасцю да 500 метраў, вільготнасць да 80%. Тэмпература ноччу ад +10 да +17 градусаў, днём у суботу ад +23 да +29 градусаў, а ў нядзелю яшчэ вышэйшая — ад +26 да +31 градуса.
Чытайце таксама:
Учора тэмпература сягала 30 градусаў
«Залатыя» яблыкі па 10 рублёў і апошнія ягады: што бяруць на Камароўцы на пачатку верасня