20-гадовага хлопца з Лепеля асудзілі, верагодна, па «справе Гаюна»
У чарговым абнаўленні «экстрэмісцкага спісу» МУС з'явілася прозвішча 20-гадовага Вячаслава Сямёнава. У дакуменце пазначана, што ён родам з вёскі Стары Лепель, хоць у профілі хлопца «УКантакце» пазначаны Лепель, а як месца нараджэння і вучобы — Санкт-Пецярбург, піша тэлеграм-канал «Витебск, я гуляю!»
Вячаслаў Сямёнаў
Малады чалавек асуджаны паводле ч. 1 і ч. 2 арт. 361-4 Крымінальнага кодэкса (садзейнічанне экстрэмісцкай дзейнасці). Гэта можа сведчыць пра яго сувязь з так званай «справай Гаюна».
У спісе адзначана, што Сямёнаў ужо адбывае пакаранне, што азначае — яму прысудзілі тэрмін.
Чытайце таксама:
Флагшток: Па справе «Беларускага Гаюна» ў адной Гомельскай вобласці затрымалі больш за 250 чалавек
Пастара з Хойніцкага раёна асудзілі па «справе Гаюна»
Па «справе Гаюна» арыштавалі ўжо як мінімум 40 чалавек
Спецслужбы стварылі фэйкавы бот нібыта для эвакуацыі тых, хто дасылаў інфармацыю «Беларускаму Гаюну»