Нядаўна нехта заходзіў у тэлеграм-акаўнт Анжалікі Мельнікавай

У тэлеграм-акаўнце @Angie_Belarus, які быў зарэгістраваны на польскі нумар Анжалікі Мельнікавай, былой спікеркі Каардынацыйнай рады, нядаўна змяніўся статус. Цяпер там пазначана «быў(ла) нядаўна», што сведчыць: нехта заходзіў у профіль у прамежку ад некалькіх хвілін да некалькіх дзён таму, піша Reform.news.

Анжаліка Мельнікава

Спікерка Каардынацыйнай рады Анжаліка Мельнікава пакінула тэрыторыю Польшчы і Еўрасаюза 26 лютага 2025 года і паляцела ў Лондан. Паводле расследавальнікаў, за дзень да вылету яна зарэзервавала нумар у пяцізоркавым гатэлі на Шры-Ланцы, дзе ўжо бывала раней. З 28 лютага да 7 сакавіка Мельнікава жыла ў тым гатэлі з дзецьмі. 7 сакавіка Мельнікава з дзецьмі паляцела ў Дубай, там яе след губляецца. 25 сакавіка яна перастала выходзіць на сувязь. Дзе яна і што з ёй, няма інфармацыі.

Каардынацыйная рада заяўляла, што 13 сакавіка з яе акаунта былі спампаваныя дакументы, якія датычацца працы арганізацыі.

У тым жа месяцы, паводле звестак «Кіберпартызанаў», Мельнікава перавяла на асабісты рахунак больш за 150 тысяч долараў са сродкаў фонду Białoruś Liberty. Вядома таксама, што перад знікненнем яна лёта­ла на Кубу і ў Шры-Ланку разам з Аляксеем Лабеевым, супрацоўнікам лукашэнкаўскіх спецслужбаў.

Каментары да артыкула