У Барысаўскім раёне мужчына загінуў ад удару токам пры ўключэнні катла
Днём 26 жніўня 47-гадовы мужчына патэлефанаваў жонцы і сказаў, што збіраецца ўключыць у доме ацяпляльны катёл. Праз некаторы час дачка знайшла бацьку без прыкмет жыцця, паведамляе Следчы камітэт.
Фота: Следчы камітэт
Цела ляжала побач з цыркуляцыйнай помпай, якая працавала. Яна была падключаная да разеткі і рабіла моцны шум.
Па папярэдніх даных, смерць наступіла ад паражэння электрычным токам. На месцы працавала следча-аператыўная група, якая зафіксавала характэрныя прыкметы паражэння электрычнасцю.
Следчы камітэт Барысаўскага раёна праводзіць праверку, каб высветліць усе абставіны трагедыі і прычыны, якія маглі ёй спрыяць.
Чытайце таксама:
У Мёрскім раёне жанчына загінула ад удару токам, калі надзімала басейн