Павышаюцца тарыфы на зарадку электрамабіляў
Сетка электразарадных станцый Malanka «Беларуснафты» з 1 жніўня павышае тарыфы на зарадку электрамабіляў.
Фота ілюстрацыйнае
Цана паслугі за 1 кВт.г павольнай зарадкі цяпер будзе складаць Br0,49, хуткай зарадкі — Br0,65.
Тарыфы на рэзерваванне і выкарыстанне канектара пасля заканчэння зарадкі застаюцца без зменаў — 2,1 рубля.
Перад тым тарыфы мяняліся зусім нядаўна — 1 красавіка 2025 года. Тады кошт павольнай зарадкі ў сетцы Malanka стаў складаць 0,46 рубля за кВт⋅г, хуткай зарадкі — 0,61 рубля за кВт⋅г.
«Беларуснафта» з'яўляецца нацыянальным аператарам па развіцці электразараднай інфраструктуры на тэрыторыі Беларусі. У сетку ўваходзяць больш за 700 ЭЗС па ўсёй краіне, іх колькасць плануецца павялічваць.
Чытайце таксама:
Прэзентавалі першы беларускі электрамабіль. Колькі каштуе?
Ці выгадна мець электрамабіль у Беларусі? Распыталі ўласнікаў
«Не хачу спансараваць Маска». Чаму беларусы (не) прадаюць свае Tesla