У Гомелі з'явіўся сквер Міліцыі. Гараджан не пыталіся нават фармальна
У Гомелі з'явіўся новы сквер, які назвалі скверам Міліцыі, прычым без папярэдняга грамадскага абмеркавання, піша «Флагшток».
Фота: «Гомельские ведомости»
Жыхары горада даведаліся пра гэта ўжо пастфактум, калі ў гарадской прэсе паведамілі, што на вуліцы Галавацкага пачалося ўпарадкаванне сквера з адпаведнай назвай.
Пры гэтым яшчэ 8 ліпеня газета «СБ. Беларусь сегодня» пісала, што разглядаюцца два праекты — скверы Энергетыкаў і Міліцыі. Але ўжо ў той жа дзень мясцовыя ўлады паведамілі, што «сквер Міліцыі» на Галавацкага — гэта ўжо вырашаны факт. Грамадскага абмеркавання, як гэта было, напрыклад, у 2024 годзе пры наданні назвы «сквер Ратавальнікаў», не праводзілася.
На гэтым месцы раней была так званая «алея міліцыі», адкрытая ў 2024 годзе каля новага будынка РАУС. Тады там пасадзілі 50 чырвоных клёнаў і паставілі памятны знак — таксама без удзелу грамадскасці.
Фота: «Гомельские ведомости»
Цяпер на пустцы пракладаюць пешаходную сцежку, укладаюць плітку, абяцаюць дадаць дрэвы і паставіць лаўкі.
Чытайце таксама:
У Гомелі паставілі памятны знак праваслаўнаму архіепіскапу
БПЦ аслупавала сквер у гістарычным цэнтры Гомеля
У Гомелі скульптуру Гулівера заменяць на скульптуру ратавальніка