Пяскоў: Кіраўнік СК Расіі і генпракурор Азербайджана разбіраюцца з «праблемнымі пытаннямі»
Кіраўнік Следчага камітэта Расіі і генеральны пракурор Азербайджана разбіраюцца з «пытаннямі, якія бачацца праблемнымі», заявіў прадстаўнік Крамля Дзмітрый Пяскоў.
Затрыманне прадстаўнікоў «Спутніка» ў Баку
Так ён пракаментаваў сітуацыю з арыштамі выхадцаў з Азербайджана ў Екацярынбургу і наступнымі за імі арыштамі расіян у Баку, піша Бі-бі-сі.
27 чэрвеня ў Екацярынбургу прайшлі затрыманні падазраваных у датычнасці да забойстваў у 2001-м, 2010-м і 2011 гадах, у выніку якіх загінулі двое чалавек. Азербайджанскія ўлады мяркуюць, што яны памерлі пасля збіцця сілавікамі.
30 чэрвеня ў Баку па абвінавачанні ў махлярстве былі затрыманыя два супрацоўнікі расійскага інфармагенцтва «Спутнік Азербайджан», а 1 ліпеня пад арышт узялі васьмярых грамадзян Расіі па абвінавачанні ў кіберзлачынствах. У судзе яны з’явіліся са слядамі збіцця.
Пяскоў заявіў, што ў Крамлі «звярнулі ўвагу» на кадры з арыштаванымі напярэдадні расіянамі і паабяцаў, што Масква будзе выкарыстоўваць «усе наяўныя сродкі» для іх абароны.
Чытайце таксама:
Чаму зноў сапсаваліся адносіны паміж Расіяй і Азербайджанам. З'яўляюцца дэталі справы
Азербайджанскія СМІ паведамілі пра затрыманне ў Баку дзвюх АЗГ, што складаліся з расіянаў
У Азербайджане паказалі, як выглядаюць затрыманыя расіяне. Яны моцна збітыя ФОТЫ