Службу ў арміі будуць залічваць у абавязковую адпрацоўку па размеркаванні

У Міністэрстве працы паведамілі, што тэрміновая служба, служба па кантракце, у рэзерве, а таксама альтэрнатыўная служба цяпер будуць лічыцца часткай абавязковай адпрацоўкі пасля заканчэння каледжа або ўніверсітэта.

Фота ілюстрацыйнае

Паводле закону, выпускнікі цяпер павінны адпрацаваць: 2 гады пасля ўніверсітэта, 5 гадоў — калі вучыліся па мэтавым накіраванні, 2 гады — пасля сярэдняй спецыяльнай установы і 1 год — пасля прафесійна-тэхнічнай.

Служба ў арміі доўжыцца ад 1 да 1,5 гадоў, па кантракце — ад 2 гадоў, альтэрнатыўная служба — ад 2 да 3 гадоў.

Каментары да артыкула