У Мінску адкрываюць новы завод па перапрацоўцы смецця
Прадпрыемства па перапрацоўцы смецця ў сталіцы збіраюцца адкрыць 3 ліпеня, паведаміў у эфіры АНТ намеснік старшыні Мінгарвыканкама Алег Корзун.
Фота ілюстрацыйнае
Паводле слоў чыноўніка, магутнасць новага прадпрыемства будзе ў дзесяць разоў большая за ўжо наяўную — завод зможа перапрацоўваць каля 600 тысяч тон адкідаў у год.
Акрамя гэтага, разглядаюцца магчымасці выкарыстання RDF-паліва, якое вырабляецца з адкідаў, у будаўнічай галіне. Таксама плануецца вытворчасць тэхнічнага грунту, спосабы выкарыстання якога будуць узгодненыя з Мінпрыроды.
Пасля запуску новага завода ўзровень перапрацоўкі смецця ў Мінску павінен дасягнуць 95%.
Чытайце таксама:
У Мінску адкрыюць завод па перапрацоўцы смецця на 500 работнікаў
У Мінску будуюць завод, які зможа перапрацоўваць усё смецце сталіцы
Стала вядома, калі ў поўную сілу запрацуе смеццеперапрацоўчы завод пад Мінскам
У Мазыры выкінулі на сметнік неверагодную колькасць хатніх закатак ВІДЭА