Пуцін: Дзе ступае нага рускага салдата, гэта наша
Уладзімір Пуцін, выступаючы на Пецярбургскім міжнародным эканамічным форуме 20 чэрвеня, заявіў, што лічыць усю Украіну расійскай, і не выключыў захопу Сумаў, патлумачыўшы гэта стварэннем «зонаў бяспекі».
Уладзімір Пуцін. Фота: Contributor/Getty Images
«Наконт абласцей на Украіне, якія мы лічым сваімі. Я ўжо шмат разоў казаў, што лічу рускі і ўкраінскі народ адным народам на самай справе. У гэтым сэнсе ўся Украіна наша. … У нас ёсць такая старадаўняя не прымаўка, не прыпавесць, а старадаўняе правіла: там, дзе ступае нага рускага салдата, гэта наша», — заявіў Пуцін.
Таксама ён дапусціў захоп Расіяй Сумаў.
«У нас няма такой задачы забраць Сумы. Але ў прынцыпе я гэтага не выключаю», — сказаў расійскі кіраўнік.
Ён заявіў, што Расія стварае «зоны бяспекі» ўздоўж расейскай мяжы праз атакі ўкраінскіх войскаў. Паводле яго слоў, цяпер глыбіня «зоны бяспекі» ў Сумскай вобласці складае 8-12 км.
«[УСУ] узялі, залезлі да нас у Курскую вобласць. Страцілі там 76 тысяч чалавек. Гэта катастрофа для іх. Урэшце мы іх адтуль выбілі. Але яны пачалі ствараць пагрозу па ўсёй лініі судакранання. Да чаго гэта прывяло? У іх і так не хапае асабістага складу, а мы цяпер вымушаныя ствараць зону бяспекі», — сказаў Пуцін.
Чытайце таксама:
Пуцін заявіў, што «не дамагаецца капітуляцыі з боку Украіны»
«Верылі ў Трампа-міратворца». Удар Ізраіля па Іране заспеў Крэмль знянацку
Падчас візіту Пуціна ў Санкт-Пецярбург там адключылі інтэрнэт