Беларускі дальнабойшчык замовіў намаляваць герб родных Баранавіч перад Кёльнскім саборам
Каштуе такі малюнак не сказаць каб танна — мужчына кажа, што дзеля яго прыйшлося адмовіцца ад пакупкі майкі.
Скрыншот відэа ў тыктоку
Мужчына з Баранавіч, які працуе дальнабойшчыкам у Еўропе, пахваліўся ў тыктоку тым, як арыгінальна пакінуў сваё «Я тут быў» ля Кёльнскага сабора ў Германіі.
Ля сусветнавядомай славутасці ўжо не першы год працуюць вулічныя мастакі, якія за грошы малююць крэйдай сцягі розных краін у выглядзе сэрцаў. Беларускі ж дальнабойшчык замовіў намаляваць герб родных Баранавіч.
Дарэчы, паслуга гэтая не танная — у каментарыях мужчына піша, што першапачаткова мастак агучыў цану 50 еўра, але ў выніку атрымалася дамовіцца на 30 еўра. Атрымліваецца больш за 100 рублёў за малюнак, які знікне пасля першага дажджу.
Але ж дальнабойшчык сваім выбарам задаволены, нават нягледзячы на тое, што давялося дзеля яго адмовіцца ад пакупкі майкі.
А сам мастак зарабляе на такой творчасці некалькі разоў. Па-першае, яму плаціць замоўца, па-другое, іншыя турысты замілоўваюцца, калі бачаць родны сцяг, і кідаюць на яго манеты.
Чытайце таксама:
Беларускі дальнабойшчык у Аўстрыі атрымаў траўмы пры напампоўванні кола
Польскія памежнікі затрымалі беларускага дальнабойшчыка
У беларускага дальнабойшчыка ў Польшчы канфіскавалі больш за 7 мільёнаў цыгарэт
Дальнабойшчыка не прапусцілі з Беларусі ў Літву з-за вымпела расійскай СПА