Пяскоў: Забойства Вярхоўнага лідара Ірана Хаменеі «адкрые скрыню Пандоры»
Прэс-сакратар Уладзіміра Пуціна пракаментаваў магчымае забойства Вярхоўнага лідара Ірана. Яго слова цытуе пракрамлёўскі тэлеграм-канал «Пул №3».
Фота: Office of the Iranian Supreme Leader via AP
— Калі б, тым не менш, адбылося так, што Ізраіль пры садзейнічанні ЗША забіў аяталу Алі Хаменеі, як бы адрэагавала Расія?
— Вельмі негатыўна. Вельмі негатыўна. Мы б гэта рашуча асудзілі.
— Гэта пацягнула б за сабой якія-небудзь дзеянні?
— Гэта прывяло б да дзеянняў, якія зыходзяць знутры Ірана. Іранскае грамадства вельмі добра арганізавана і вельмі добра кансалідавана. І гэта прывяло б да з'яўлення экстрэмісцкіх настрояў унутры Ірана. І тыя, хто пра гэта кажа, павінны памятаць пра гэта. Яны адкрыюць скрыню Пандоры.
Нагадаем, што нядаўна міністр абароны Ізраіля заявіў, што знішчэнне Алі Хаменеі — адна з мэтаў вайны Ізраіля супраць Ірана.
Чытайце таксама:
Трамп узяў два тыдні, каб вызначыцца адносна Ірана
Хто такі Вярхоўны лідар Ірана аятала Алі Хаменеі і наколькі ўплывовая яго сям'я