Нованабыты Airbus «Белавія» выканаў першы рэйс
Самалёт Airbus A330-200 упершыню выканаў рэгулярны рэйс авіякампаніі «Белавія» — ён вылецеў з Мінска і паспяхова прыбыў у Стамбул. На борце было 177 пасажыраў, паведамляе прэс-служба авіякампаніі.
Наступны рэйс на гэтым лайнеры зноў адбудзецца па маршруце Мінск — Стамбул ужо заўтра. У хуткім часе яго плануюць выкарыстоўваць таксама на маршрутах у Маскву і Дубай.
У эканамічным класе гэтага самалёта — больш месца паміж радамі, а ў бізнэс-класе — сядзенні, што цалкам раскладаюцца ў гарызантальнае становішча. Самалёт здольны здзяйсняць далёкія пералёты — да 12 000 кіламетраў.
Чытайце таксама:
«Белавія» паказала новы самалёт — падсанкцыйны Airbus
У абыход санкцый. «Белавія» рыхтуецца лётаць на самалётах Airbus
«Белавія» ў абыход санкцый набыла ў Гамбіі тры самалёты Airbus у дрэнным стане