У Беларусь з Расіі завозяць авіябомбы і ракеты
Паводле інфармацыі ад крыніц Супольнасці чыгуначнікаў Беларусі і аналізе дзейнасці на Беларускай чыгунцы, у перыяд з 14 па 30 чэрвеня 2025 года чыгуначным транспартам у Беларусь будзе дастаўлены груз, які адносіцца да 1 класа небяспекі — выбуховыя матэрыялы, а менавіта авіяцыйнае ўзбраенне: авіябомбы і ракеты розных тыпаў.
Калаж: Супольнасць чыгуначнікаў Беларусі
Для павышэння бяспекі на некаторых участках чыгункі (Баранавічы і Віцебск) увялі строгія патрабаванні: работнікам даручана быць асабліва пільнымі да незнаёмых асоб і падазроных прадметаў.
Месцамі прызначэння грузаў стануць станцыі Ліда і Прудок Гарадоцкага раёна, якія знаходзяцца непадалёк ад вайсковых аэрадромаў і арсеналаў авіяцыйных боепрыпасаў.
Асабліва адзначаецца, што арсенал каля Прудка з'яўляецца адзіным у краіне і абслугоўвае ўсе асноўныя вайсковыя аэрадромы Беларусі. У 2024 годзе сюды паступіла найбольшая колькасць расійскіх боепрыпасаў.
Пакуль дакладныя станцыі адпраўлення і аб’ёмы грузаў невядомыя, але ў выпадку з’яўлення дадатковай інфармацыі Супольнасць чыгуначнікаў Беларусі абяцае паведаміць падрабязнасці пра адпраўнікоў, атрымальнікаў і аб’ёмы.
Чытайце таксама:
Два беларускія медыяпраекты аб'явілі пра крытычныя праблемы з фінансаваннем
ГУБАЗіК пацвердзіў інфармацыю, якую Супольнасць чыгуначнікаў паведамляла паўгода таму