У Мінску праходзіць фестываль Vulitsa Ezha

Vulitsa Ezha — гэта вялікі фестываль ежы, які праходзіць у мінскім Батанічным садзе 14-15 чэрвеня. Гэты фестываль — 27-ы па ліку. Арганізатары падрыхтавалі насычаную праграму і шмат цікавых сюрпрызаў для наведвальнікаў.

Упершыню на Vulitsa Ezha пройдзе кулінарная школа, дзе госці змогуць вучыцца гатаваць разам з камандай арганізатараў. Будуць стравы па рэцэптах Гордана Рамзі, сырны нарвежскі суп з ласосем, паста з таматамі, грыбное рызота і іншыя смачныя стравы, якія можна будзе не толькі прыгатаваць, але і адразу паспытаць.

На фуд-корце будзе каля 40 ўдзельнікаў з унікальнымі стравамі, якіх нідзе больш не сустрэнеш. Напрыклад, сытныя багеты з шынкай і грыбамі, сэндвічы на факача, гарачы ражок «Чылі Кон Карне Мехіка», рол-марозіва з манга і шакаладам з Дубая. Таксама будуць незвычайныя камбінацыі: індык з клубнічным сосам, банан у шакаладзе, смажаныя крэветкі з соусам васабі.

Традыцыйна пройдзе ўзнагароджанне Ezha Awards, дзе госці і журы абяруць найлепшых удзельнікаў. Галасаванне будзе праз QR-код на фуд-корце.

Музыка і танцы на Vulitsa Ezha — заўсёды важная частка фестывалю. Гэтым разам будзе ўдвая больш музыкі і забаў. На галоўнай сцэне пройдуць танцавальныя флэшмобы, квізы і канцэрты. У суботу граюць джаз і кавер-бэнд Monkey Pipe, у нядзелю — лацінскія рытмы і трыб'ют AC/DC.

Акрамя таго, з’явіцца другая сцэна — Secret DJ Place, дзе будуць праходзіць выступы музыкантаў і діджэй-сэты. Першы дзень прысвечаны хіп-хопу, другі — электроннай музыцы.

Для дзяцей і дарослых будзе больш за 20 зонаў з рознымі актыўнасцямі, майстар-класамі і сюрпрызамі. Да юбілейнага сезона падрыхтавалі фотавыставу з найлепшымі здымкамі папярэдніх гадоў і фотабокс для фотаздымкаў.

Фестываль праходзіць 14-15 чэрвеня з 12:00 да 22:00 у Батанічным садзе. 

Кошт квіткоў: 25 BYN поўны, 12 BYN льготны, дзецям да 12 гадоў — бясплатна.

Каментары да артыкула