БЕЛ Ł РУС

У Германіі раскрылі схему вывазу люксавых аўтамабіляў у Беларусь і Расію

16.05.2025 / 19:45

Nashaniva.com

У Германіі выявілі схему незаконнага вывазу дарагіх аўтамабіляў у Беларусь і Расію ў абыход санкцый. Па падазрэнні ў гэтым затрымалі 39-гадовага мужчыну казахскага паходжання, піша Reform.news са спасылкай на нямецкую мытню.

Фота: zoll.de

Спецаперацыю правялі 13 траўня ў рэгіёне Вальдэк-Франкенберг супрацоўнікі Мытнага крымінальнага ўпраўлення Франкфурта-на-Майне пад кіраўніцтвам пракуратуры. У выніку ператрусаў канфіскавалі 21 дарагі аўтамабіль, матацыкл, прэпараты для павышэння патэнцыі, электрашокер і нават галаву кракадзіла. Агульны кошт маёмасці ацэньваецца ў як мінімум 1,3 мільёна еўра.

Следства лічыць, што аўтамабілі вядомых брэндаў нелегальна перапраўляліся ў памежныя з Беларуссю і Расіяй краіны, а пасля перапраўляліся далей. Мытнікі падазраюць, што такіх выпадкаў было каля 700, а агульная вартасць вывезенай тэхнікі складае прыкладна 25 мільёнаў еўра.

Затрыманага абвінавачваюць у парушэнні законаў аб знешнеэканамічнай дзейнасці, аб ахове дзікай прыроды, а таксама ў незаконным захоўванні медыцынскіх прэпаратаў, допінгавых матэрыялаў і зброі.

Чытайце таксама:

Сейм Літвы робіць больш строгай адказнасць за парушэнне міжнародных санкцый

Мальта прадавала свае пашпарты расіянам, якія знаходзяцца пад санкцыямі

З закрытых пратаколаў стала вядома, як Беларусь і Расія дзялілі калійны рынак

Каментары да артыкула