Расійскае пасольства расказала, як у Беларусі прайшлі «Бессмяротныя палкі»
Пасольства Расіі паведаміла, што 9 мая ў Мінску і абласных цэнтрах Беларусі прайшлі акцыі «Бессмяротны полк». Паводле паведамленняў у сацыяльных сетках пасольства, шэсці адбыліся ў Мінску, Брэсце, Гродне, Віцебску, Гомелі і Магілёве, яны ў асноўным былі сумесныя з беларускай «Беларусь памятае».
«Бессмяротны полк» у Гомелі. Фота: t.me/RusEmbassyMinsk
У Брэсце ў акцыі ўдзельнічалі прадстаўнікі так званай «Луганскай народнай рэспублікі» і акупаваных тэрыторый украінскай Запарожскай вобласці.
У Гродне, паводле звестак расійскага пасольства, на супольным шэсці «Бессмяротнага палка» і «Беларусь памятае» сабралася каля 25 тысяч чалавек.
У Віцебску да сумеснай акцыі далучыліся дэлегацыі са Смаленскай вобласці і Башкартастана.
У Магілёве ўдзельнічала афіцыйная дэлегацыя са Смаленскай вобласці Расіі.
У Мінску «Бессмяротны полк» прайшоў разам з беларускай акцыяй «Беларусь памятае», удзельнікі ўсклалі кветкі да Вечнага агню на плошчы Перамогі.
Таксама паведамлялася, што на гэтыя выходныя ў Беларусь прыехала шмат расіян, і ў Мінску, як і ў іншых гарадах, гатэлі былі амаль поўнасцю запоўненыя.
Чытайце таксама:
У большасці абласных гарадоў 9 мая правядуць «Бессмяротны полк»
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі