Трамп вырашыў прыцягнуць Эрдагана для спынення вайны ва Украіне
Прэзідэнт ЗША Дональд Трамп у сваёй сацыяльнай сетцы Truth Social заявіў, што мае намер дамагацца хутчэйшага завяршэння вайны ва Украіне сумесна з турэцкім прэзідэнтам Рэджэпам Таіпам Эрдаганам.
Дональд Трамп і Рэджэп Таіп Эрдаган у 2019 годзе. Фота: Peter Nicholls, Pool Photo via AP
«У мяне толькі што адбылася вельмі добрая і прадуктыўная тэлефонная размова з прэзідэнтам Турцыі Рэджэпам Эрдаганам. Мы абмеркавалі шэраг тэм, уключаючы вайну паміж Расіяй і Украінай, Сірыю, сектар Газа і многае іншае. Я з нецярпеннем чакаю сумеснай працы з прэзідэнтам Эрдаганам над тым, каб пакласці канец недарэчнай, але смертаноснай вайне паміж Расіяй і Украінай — проста цяпер!», — напісаў Трамп.
Ён таксама нагадаў, што ў перыяд свайго першага прэзідэнцкага тэрміну ў яго склаліся «выдатныя адносіны» з Эрдаганам.
Па словах Трампа, турэцкі прэзідэнт запрасіў яго з візітам у Турцыю, а сам Эрдаган неўзабаве мае намер наведаць Вашынгтон.
Чытайце таксама:
«Гучыць не так ужо шмат, але гэта вельмі шмат». Трамп выказаўся пра пуцінскае трохдзённае перамір'е
«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны
Трамп даручыў адкрыць турму для асабліва небяспечных злачынцаў на востраве Алькатрас
Камісар ЕС: Еўрасаюз удвая павялічыць дапамогу Украіне, калі Трамп не пераканае Пуціна заключыць мір