Пакістанцы ўжо працуюць у Беларусі. Відэа з Бабруйску з імі абляцела тыкток

Відэа з бабруйскай крамы, дзе два пакістанцы купляюць лавашы, сабрала амаль паўмільёна праглядаў. Паміж аўтарам відэа і мігрантамі адбылася даволі прыязная гутарка. 

Відэа апублікавала мясцовае выданне BOBR.BY. Журналіст сустрэў прыезджых мужчын у краме — яны куплялі лаваш. 

Карэспандэнт спытаў, скуль тыя. Мужчыны адказалі, што з Пакістана, працуюць на лесапілцы, у Беларусі ім падабаецца, а на працы яны маюць кантракт у адзін год.

@bobr.by_

Пакистанские работники уже в Бобруйске? Случайная встреча корреспондента BOBR.BY с иностранными гражданами в одном из местных магазинов пролила свет на новые реалии белорусского рынка труда. Оказалось, что рабочие из Пакистана работают по годовым контрактам. По словам самих мужчин, трудятся они на пилораме. Автор новости:Валентин Валентинов

♬ оригинальный звук - BOBR.BY

Відэа сабрала амаль тысячу каментароў. Шмат хто пасля яго стаў пісаць, што на відэа — працавітыя, ахайна апранутыя, ветлівыя людзі. Але шмат хто піша, што пакуль баіцца іх. Да таго ж каментатары расчараваныя, што не даведаліся заробкаў пакістанцаў, бо не вераць, што тыя здалёк прыехалі дзеля 500 даляраў.

Ці гэтыя працаўнікі прыехалі пасля заяў Лукашэнкі пра 150 тысяч пакістанцаў, невядома. Па даных МУС, з пачатку года прыехаў 31 працоўны мігрант з Пакістана. У мінулым годзе іх было няшмат — 36 чалавек.

Каментары да артыкула