Сабаленка адарвалася ў сусветным рэйтынгу на 4300 балаў
Абнавіўся сусветны ліст тэнісістак.
Арына Сабаленка пасля перамогі ў Мадрыдзе. Фота: AP Photo / Jose Breton
Пасля перамогі на турніры ў Мадрыдзе першая ракетка свету Арына Сабаленка адарвалася ў сусветным рэйтынгу ад Ігі Свёнтак на 4345 балаў.
У беларускі — 11 118 балаў, у полькі — 6773, у Како Гаўф, што ідзе трэцяй, 6603, у Джэсікі Пегулы — 6243, у Жасмін Паоліні — 4875.
Беларуска Вікторыя Азаранка страціла шэсць пазіцый і адкацілася на 54-е месца.