Гасцей з Эсваціні звазілі на базу мінскага АМАПа
Беларусь гэтымі днямі наведала прадстаўнічая дэлегацыя паўднёваафрыканскага каралеўства Эсваціні на чале з прэм'ер-міністрам Расэлам Ммема Дламіні. Шукаючы кірункі супрацоўніцтва з гэтай далёкай і экзатычнай краінай, гасцей звазілі на базу сталічнага АМАПа.
Як паведамляецца, госці з Эсваціні там азнаёміліся з тэхнікай і ўзбраеннем падраздзялення, а таксама ацанілі майстэрства супрацоўнікаў атрада спецпрызначэння «Алмаз» падчас іх паказальных выступленняў.
Беларуская міліцыя чамусьці вельмі зацікаўленая ва ўсталяванні прамых практычных кантактаў з паліцыяй Эсваціні, а таму гасцям перадалі праект распрацаванага ў МУС пагаднення аб супрацоўніцтве.
Чытайце таксама:
У Беларусь сярод ночы прыляцеў прэм'ер Эсваціні
У Беларусь прыедзе прэм'ер Эсваціні. Дзе гэта?
Беларусь знайшла партнёра ў Афрыцы. Гэта манархія, дзе ў караля 15 жонак