На Століншчыне 15-гадовы падлетак збіў машынай 7-гадовае дзіця
Паводле інфармацыі міліцыі, у Альшанах Столінскага раёна 15-гадовы хлопец узяў ключы ад машыны ў бацькі, паехаў на ёй і здзейсніў наезд на 7-гадовага хлопчыка.
Цяпер у дачыненні да бацькі падлетка заведзеная крымінальная справа. Яму можа пагражаць пазбаўленне волі да 5 гадоў.
Інфармацыі пра стан пацярпелага пакуль не даецца. Вядома, што дзіця цяпер у больніцы.