Amerykanskaja siamiejka donkichotaŭ
Don-Kichot lubiŭ vyratoŭvać čałaviectva. Jon byŭ trahikamičny, niedarečny, paciešny j hłyboka čałaviečny. Niekatorych amerykanskich hierojaŭ chlebam nie karmi — daj zaniacca ŭsieahulnym vyratavańniem.
Metady ŭ ich svaje: vydzirać dreva, kab źniać kaciania, skakać pa dachach u betonnych džunhlach, łavić niebiaśpiečnyja ciahniki — i padsłuchoŭvać palicejskija razmovy.
Ale i na dabro znachodzicca svajo pakarańnie. Don-Kichotu dastavałasia ad młynoŭ i asobnych pradstaŭnikoŭ čałaviečaha rodu. A voś sapraŭdny amerykanski kašmar: jurysty — zahryzuć. I suciažnaha samahubcu vyratavaŭ, i ciahnik nia tak złaviŭ, i ŭ pavietry lotaje — niedarečnyja supermeny vymušanyja chavacca (pavodle prahramy achovy zvyšhierojaŭ). Sytuacyja ŭskładniajecca siamiejnymi abstavinami: muž Vybitny, žonka — Elastyčnaja, i dzietki pajšli: adna Niabačnaja, druhi — Šustryk.
Siamiejnaje ščaście, stałaja praca i stacca, jak usie — voś pakarańnie dla amerykanskaha Don-Kichota. A dalej ekstrymalnyja bajavyja razborki siamiejnym kłanam: adzin daŭbasić, druhaja vyhinajecca, treciaja — chavajecca j achoŭnyja enerhietyčnyja puchiry puskaje, čaćviorty biehaje. I nat niemaŭla doma — piakielny monstar dla kiepskaha dziadzi. Usio heta — na niaspynnym ekšanie i z žartačkami. Švarcenehier pamior by ad zajzdraści, što jamu nie dastałasia nivodnaj roli ŭ hetym filmie. I niezdarma.
Poŭny varyjant čytajcie ŭ papiarovaj i pdf-versii hazety "Naša Niva"
Andrej Rasinski.
«Supersiamiejka» («Incredibles»)
ZŠA, 2004, kalarovy, 115 chv.
Žanr: animacyjnaja kamedyja-komiks
Adznaka: 7 (z 10)