Biełaruś na paradku dnia
Biełaruskaja asacyjacyja žurnalistaŭ uhanaravanaja Sacharaŭskaj premijaj za svabodu dumki.
Hetaja premija, ustalavanaja ŭ 1988 h., štohod prysudžajecca Eŭraparlamentam zmaharam za pravy i svabody čałavieka. Letaś jaje laŭreatam była AAN, da taho — lider Kosava Ibrahim Ruhova, a pieršuju premiju ŭ svoj čas atrymaŭ Nelsan Mandeła. Dziejnaść niezaležnych žurnalistaŭ, hety «kryk, što žyvie Biełaruś», Eŭropie bačycca spravaj universalnaj vartaści. Eŭraparlament, deputatami jakoha jość ludzi roznych palityčnych pierakanańniaŭ, na spravie prademanstravaŭ svajo pryncypovaje staŭleńnie da našych prablemaŭ. Ciapier navat u tych krajach, dzie publika mała abaznanaja z našymi prablemami, buduć viedać pra ich. I materyjalny bok spravy nia mienš istotny: 50 tys. eŭra — niemały ŭniosak u spravu pašyreńnia svabody słova ŭ Biełarusi. Uračystaja cyrymonija ŭručeńnia premii j ścipłaha dyplomu z profilem Sacharava adbudziecca ŭ śniežni ŭ Bruseli.