Chronika supracivu
Prakuratura Centralnaha rajonu Miensku admoviłasia raśśledavać akaličnaści zatrymańnia i źbićcia nieviadomymi navučenca Biełaruskaha liceju Franka Viačorki 1 vieraśnia: nie zvažajučy na šmatlikija fatazdymki, prakuratura ličyć fakty niepaćvierdžanymi. Chvory na serca siabar KCHP-BNF Uładzimier Pleščanka (Viciebsk) 16 kastryčnika byŭ aryštavany na 10 sutak za mastacki performans, a ŭnačy 17-ha jaho musili pieravieści ŭ bolnicu. 20 kastryčnika za ŭdzieł u vuličnaj akcyi ŭ Miensku byli asudžanyja Jaŭhien Vałkaviec (10 sutak), Siarhiej Mankievič (5 s.), Siarhiej Michalenka (5 s.), Alaksandra Hajeŭskaja (5 s.), Uładzimier Šydłoŭ (3 s.), Jarasłaŭ Navumienka (3 s.), asudžanaha ŭdzielnika akcyi Siarhieja Michalenku 21 kastryčnika dastavili sa specpryjomniku ŭ bolnicu praz prablemy z sercam. Michaiłu Kandrašovu , asudžanamu za ŭdzieł u akcyi na 10 s., dyrekcyja navučalnaj ustanovy 20 kastryčnika prapanavała zabrać dakumenty. 20 kastryčnika, musić, za niezaležnuju žurnalisckuju dziejnaść na radyjo «Svaboda» sa šmattyražki «Polimiroviec» (Navapołacak) zvolnili Vincesia Mudrova . Zatrymany na vulicy kaardynatar «Zubra» Jaŭhien Afnahiel asudžany 20 kastryčnika na 10 s. Za ŭdzieł u akcyi ŭ Miensku Źmicier Barodka 21 kastryčnika asudžany na 15 s., Źmicier Vajtko — na 10 s. U Białyničach 22 kastryčnika asudžany na 7 s. kaardynatar «Zubra» Aleh Miacielica . Administracyja AAT «Rytm» (Rečyca) 21 kastryčnika zvolniła pa skaračeńni štataŭ aktyvistaŭ prafsajuzu REPAM I.Papłaŭnuju, S.Siandzieviča, V.Davydzienku, S.Uschopavu . Administracyja «Rytmu» taksama nie pieraličvaje na rachunak REPAMu hrašovyja składki, utrymanyja z zarobkaŭ siabroŭ prafsajuzu. Sud Maskoŭskaha rajonu Miensku 21 kastryčnika nie zadavoliŭ pazovu hienerała Valerja Frałova da hazety «Obozrievatiel» i žurnalistki Hanny Muraŭskaj, što nazvali jaho antysemitam. Padčas akcyi pratestu 21 kastryčnika ŭ Miensku Viačasłaŭ Siŭčyk atrymaŭ pozvu ŭ milicyju. 22 kastryčnika vymusili zvolnicca z pracy kandydata ad «Narodnaj hramady» na apošnich vybarach Anatola Bałakira (Słucak). Administracyja Biełaruskaha metalurhičnaha zavodu (Žłobin) paśla vybaraŭ prymušaje zvolnicca kandydata ad PKB Valerja Rybčanku , a administracyja Mahiloŭskaha aŭtazavodu — kandydata Alaksandra Karytkina (byłaja Partyja pracy). 22 kastryčnika ŭ Słonimie za raspaŭsiud ulotak aštrafavali na 10 b.v. siabra BNF Uładzimiera Bruckaha — sud zaniaŭ dźvie chviliny. Za ŭdzieł u niesankcyjanavanym pikiecie suprać ucisku presy 4 kastryčnika haradzienskija milicyjanty 21 kastryčnika pačali šukać žurnalistaŭ Irynu Čarniaŭku, Natallu i Anatola Makušynych, Paŭła Mažejku, Juliju Kockuju . Sprava Paŭła Šaramieta 22 kastryčnika časova prypynienaja. 25 kastryčnika nieviadomyja telefanavali kaardynataru «Chartyi'97» Źmitru Bandarenku j zaprašali «na razmovu» ŭ mienski adździeł pa baraćbie z arhanizavanaj złačynnaściu, a paśla pahražali źbićciom. 25 kastryčnika prakuratura Biełarusi raspačała kryminalnuju spravu z nahody pres-kanferencyi kiraŭnikoŭ «5+» 13 kastryčnika, kali byli ahučany zahadzia vyznačanyja vyniki hałasavańnia. Za ŭdzieł u akcyi 25 kastryčnika ŭ Miensku byli asudžanyja Viačasłaŭ Siŭčyk (15 s.), Nasta Azarka (10 s.), Aleś Vasileŭski (10 s.), Uładzimier Biehlik (5 s.) i Siarhiej Vysocki (3 s.).
AŠ