Adna kraina — adna mova
Vypraŭlajučy pamyłki, zroblenyja pry Łukašenku, treba pačynać ź pieršaha referendumu 1995 hodu.
Paśla pašyreńnia na ŭschod Eŭraźviaz naličvaje 25 krain i, takim čynam, majučy nasielnictva 454 miljony hrama-dzian, ujaŭlaje saboj najvialikšaje miždziaržaŭnaje ŭtvareńnie ŭ śviecie. Hetakaja raznastajnaść — samaja pryvabnaja rysa Źviazu, choć časam i niasie ŭ sabie pieraškody dla efektyŭnaje žyćciadziejnaści ŭtvareńnia. U moŭnaj sfery, jak ni ŭ jakaj inšaj, uvasobleny pryncyp pavahi da pravoŭ i hodnaści kožnaje krainy.
Da pašyreńnia na ŭschod Eŭraźviaz mieŭ 11 moŭ u jakaści aficyjnych. Z ustupleńniem novych siabroŭ hetaja kolkaść pavialičyłasia da 20. Na siońniašni momant bolšaść krain Źviazu pradstaŭlena adnoj aficyjnaj movaj (pavodle pryncypu «Adna kraina — adna mova»), jakaja nosić nazvu tytulnaje nacyi. Zrazumieła, što najaŭnaść takoje značnaje kolkaści aficyjnych moŭ značna ŭskładniaje funkcyjanavańnie orhanaŭ Źviazu. U štodzionnaj pracy Źviazu zadziejničana pa 80 pierakładčykaŭ na kožnuju aficyjnuju movu, a pierakładańniu padlahajuć kala dvuch miljonaŭ staronak dakumentaŭ štohod. Nia dziva, što ŭstupleńnie ŭ dziejańnie dyrektyŭ Źviazu časam adkładajecca na niekalki miesiacaŭ, bo na pierakład patrebien niemały čas. Takim čynam, adna biurakratyja pieramahaje druhuju: moŭnaja raznastajnaść robicca barjeram dla nieŭtajmoŭnaha kancylarskaha impetu bruselskich čynoŭnikaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Siaržuk Vinahradaŭ