U Navapołacku lhoty biełarusaŭ pakłali ŭ trunu
27 červienia ŭ Navapołacku adbyŭsia pieršy z šerahu štodzionnych pikietaŭ suprać admieny lhotaŭ biełaruskim pensijaneram, čarnobylcam, donaram, studentam i inšym katehoryjam hramadzianaŭ.
27 červienia ŭ Navapołacku adbyŭsia pieršy z šerahu štodzionnych pikietaŭ suprać admieny lhotaŭ biełaruskim piensijanieram, čarnobylcam, donaram, studentam i inšym katehoryjam hramadzianaŭ.
Chacia akcyja zamaŭlałasia kolkaściu da 10 čałaviek, u šmatludnym miescy Novapołacka la haradskoha Pałaca kultury ŭdzielnikaŭ i spačuvajučych sabrałosia značna bolej. Da truny z nadpisam «Ilhoty» padychodzili mieścičy, jakija atrymoŭvali biuleteń na 12 staronkach z analizam stanovišča, jakoje čakaje tych, chto straciŭ dapamohu dziaržavy. Navapałačanie padpisvalisia pad zvarotam pra admienu lhotaŭ i za adklikańnie miascovych deputataŭ Pałaty pradstaŭnikoŭ, jakija pasłuchmiana prahałasavali za paharšeńnie ŭzroŭniu žyćcia narodu.
Udzieł u pikiecie pryniali pradstaŭniki roznych demakratyčnych partyj i niedziaržaŭnych arhanizacyj, a taksama Niezaležnaha prafsajuzu vytvorčaha abjadnańnia «Palimir».
Akcyja budzie prachodzić štodzień z 17 da 18 hadzin na praciahu cełaha miesiaca. Padpisnyja listy pieradaduć u adpaviednyja struktury respublikanskaj i miascovaj ułady.