Na tydni

na tydni

Dni KNH ABSE paličanyja

Biełaruskaje MZS patrabuje spynieńnia dziejnaści ciapierašniaj misii ABSE ŭ krainie jak umovy dla pačatku pieramovaŭ ab prybyćci novaj misii. Pradstaŭniki ABSE i Dziarždepartamentu ZŠA rezka skrytykavali pazycyju Biełarusi. Pavodziny Biełarusi “padtočvaje pryncypy ABSE”, zajaviŭ pradstaŭnik Dziarždepu. Zamiežnyja pravaabaroncy patrabujuć zachavać misiju i ličyć jaje “misijaj u vyhnańni”.

RNIE pad sudom

Viciebski abłasny śledčy adździeł KDB pieradaŭ spravu čatyroch siabroŭ RNIE ŭ sud. Ich vinavaciać pavodle artykuła 130 KK “Raspalvańnie nacyjanalnaj, rasavaj abo relihijnaj varožaści”. Rasiejskija fašysty adkryta raspaŭsiudžvali svaje ŭlotki dy abjavy, zaklikajučy moładź dałučacca da zmahańnia z pradstaŭnikami “nacyjanalnych mienšaściaŭ”.

Snajper pahražaje dzieciam

Vašynhtonski snajper upalavaŭ svaju 13-ju achviaru. U aŭtorak kala 6-j ranicy jon zastreliŭ 40-hadovaha kiroŭcu haradzkoha aŭtobusa. Amerykanskija ŚMI ćvierdziać, što šeryf Čarłz Muz, jaki zajmajecca hetaj spravaj, maje kantakt z zabojcam: apošni najmienš dva razy pakidaŭ palicyi cydułki z “padkazkami”. Nieaficyjna viadoma, što snajper pahražaŭ raspačać zabivać dziaciej, kali jamu nie zapłaciać 10 miljonaŭ dalaraŭ. U vašynhtonskich škołach prymajuć dadatkovyja miery zaściarohi.

Vybary ŭ Čarnahoryi

Niezaležnickija partyi Čarnahoryi zdabyli na parlamenckich vybarach 39 mandataŭ z 75-ci. U prychilnikaŭ sajuzu z Serbijaj — 30 miescaŭ.

Hulni patryjotaŭ

Rasiejskaja “Eŭrazijskaja par-tyja — Sajuz patryjotaŭ Rasiei” ŭ vypadku parazy na parlamenckich vybarach 2003 h. źbirajecca emihravać u Biełaruś. Pra heta abviaściŭ staršynia Naziralnaj rady EP-SPR Pavał Baradzin. Mahčyma, paśla vypadku ź Niamcovym i Chakamadaj u aeraporcie Miensk-2, u tavaryšaŭ patryjotaŭ źjaviacca sumnievy.

B.T.