Katalikoŭ u Rasiei ckujuć

Katalikoŭ u Rasiei ckujuć

Pradstaŭniki rymska-katalickaj carkvy ŭ Rasiei zakłapočanyja tym, što śviataroŭ hetaj kanfesii vyhaniajuć z krainy. Apošnija incydenty adbylisia ŭ hetyja vychodnyja.

U subotu 19 krasavika biskup katalickaj japarchii z centram u Irkucku Ježy Mazur, jaki viarnuŭsia ŭ Maskvu z Varšavy, byŭ zatrymany mytnikami ŭ aeraporcie Šaramiećjeva-2. U jaho zabrali dakumenty i nie addavali na praciahu hadziny. Potym u śviatara biez tłumačeńniaŭ anulavali vizu, sapraŭdnuju da studzienia 2003 h., i a 21-j vysłali jaho nazad u Varšavu.

Viečaram taho ž dnia Vatykan zrabiŭ aficyjnuju zajavu, u jakoj paviedamiŭ, što “dziaržaŭny sakrataryjat i pradstaŭnictva Śviatoha Pasadu ŭ Maskvie nieadkładna źviazalisia z pradstaŭnikami ŭłady Rasiei, zapatrabavaŭšy tłumačeńniaŭ i viartańnia biskupu ŭjaznoj vizy”. Zhodna z dakumentam, Vatykan praciahvaje spadziavacca na “chutkuju admienu pryniatych mieraŭ”. Dahetul aficyjnaha adkazu na zapyt nie było. Čamu biskup Ježy Mazur zrabiŭsia personaj non hrata, rasiejskija ŭłady pakul nie rastłumačyli.

Sam polski śviatar ličyć, što pryčynaj admovy va ŭjeździe stałasia staraja japonskaja nazva Irkuckaj katalickaj pravincyi – Karafuta (mienavita hetyja nazvy katalickich japarchij padajucca ŭ inicyjavanym deputatam Dziarždumy Viktaram Ałkśnisam pasłańni ab zabaronie na dziejnaść japarchij RKC ŭ Rasiei). Pavodle słovaŭ Hieneralnaha sakratara Kanferencyi katalickich biskupaŭ Rasiei Ihara Kavaleŭskaha, japonskija nazvy, chutčej za ŭsio, ni pry čym. U pazaminuły čaćvier Vatykan aficyjna źmianiŭ nazvu pravincyi, i ciapier jana budzie zvacca pravincyjaj Paŭdniovaha Sachalina i Kuryłaŭ. Jurydyčna ž japonskaja nazva pierastała dziejničać jašče ŭ lutym 2002 h.

U niadzielu pobač ź Irkuckim kaściołam, dzie pracuje Mazur, adbyŭsia antykatalicki pikiet. Kala 150 čałaviek pryjšli da chramu ŭ čas słužby. Pravasłaŭnyja vierniki nieśli plakaty z nadpisami “Lepš žyć u jurcie z tatarynam, čym u horadzie z katalikom”. Jany patrabavali zakryćcia japarchii. Niadaŭna z Rasiei byŭ vysłany jašče adzin katalicki śviatar, nastajaciel prychodaŭ śv.Razaryja va Ŭładzimiry dy Ivanavie Stefan Kapryjo. Kataliki ličać, što suprać ich pačałasia šyrokamaštabnaja kampanija. Kanferencyja katalickich biskupaŭ Rasiei ŭžo padrychtavała niekalki dakumentaŭ z hetaj nahody. Jany źbirajucca nakiravać u Hienprakuraturu Rasiei zapyt z prośbaj dać matyvacyju abviaščeńnia biskupa Mazura personaj non hrata. Kataliki zajaŭlajuć, što mitynhoŭcy ŭ Irkucku parušyli zakon ab svabodzie vieravyznańnia. Zhodna z punktam 6 artykułu 3 hetaha zakonu pravodzić mitynhi pablizu abjektaŭ relihijnaha kultu zabaroniena.

Pra parušeńnie zakonu kataliki ŭžo zajavili ŭ prakuraturu Irkucku, ale adkazu pakul niama. Ciapier Kanferencyja katalickich biskupaŭ źbirajecca nakiravać zajavu pra parušeńni ŭ Hienprakuraturu. A da rady pa ŭzajemaadnosinach z relihijnymi arhanizacyjami nieŭzabavie pavinien źviarnucca mitrapalit Tadevuš Kandrusievič – siabram rady budzie prapanavana abmierkavać pytańnie pra antykatalickija vystupleńni (nastupnyja mitynhi “Sajuz pravasłaŭnych hramadzianaŭ” źbirajecca pravieści ŭ mnohich rasiejskich haradach 28 krasavika). Jak stała viadoma, prychod śv.Razaryja praz Chielsynskuju hrupu źbirajecca padać u sud z nahody vydvareńnia ajca Stefana Kapryjo.

Katalikam “nie chaciełasia b źviazvać” toje, što adbyvajecca, i z RPC: adnosiny pamiž kanfesijami jakraz pačali palapšacca. Pradstaŭniki Vatykanu ŭ Rasiei źbirajucca dačakać adkazu ad ŭładaŭ. Zrešty, pavodle ichnych słoŭ, pry žadańni vysłać z krainy možna praktyčna ŭsich katalickich śviataroŭ: bolšaść ź ich – inšaziemcy, pieravažna biełarusy j palaki, biez paśviedčańnia na prava žycharstva. Vychavać rasiejskich śviataroŭ, kaža Kavaleŭski, rymska-katalickaja carkva jašče nie paśpieła.

S.P.