Novyja knihi, dasłanyja ŭ redakcyju

---

Novyja knihi, dasłanyja ŭ redakcyju

 

Biełaruski Histaryčny Ahlad. T.VII. Sš.2. – Miensk: Biełaruski Histaryčny Ahlad, 2000. – S.303–623. – Nakład 500 as. ISSN 1392-902Ch

U hetym vypusku vy znojdziecie šmat recenzijaŭ, napisanych I.Haneckaju, I.Klimavym, A.Kraŭcevičam, V.Paźniakovym, S.Rudovičam, Ł.Barščeŭskim dy inš. Cikavymi šyrokamu kołu čytačoŭ buduć teksty A.Piatčyca “Pašyreńnie pravasłaŭja ŭ Biełarusi ŭ siaredzinie–druhoj pałovie XIX st.”, S.Chomiča “Asnoŭnyja etapy farmavańnia terytoryi BSSR (1918–1926)”, Ł.Jureviča “Biełaruskaja knihavydavieckaja dziejnaść u časie II suśvietnaje vajny” dy inš. Časopis možna nabyć u siadzibie BNF i ŭ “Akademknizie”.

V.Bykaŭ. Vybranaje / Dla starejšaha školnaha vieku. – Miensk: Uradžaj, 2001. – 415 s. – (Školnaja biblijateka.) – Nakład 36240 as. ISBN 985-01-0388-8

U knihu z seryi “Školnaja biblijateka” ŭvajšli apovieści “Abelisk”, “Žuraŭliny kryk”, “Abłava”, “Sotnikaŭ” i apaviadańni “Ružovy tuman” dy “Ściana”. Kaštuje 520 r.

S.Jorš. Usievaład Rodźka. Pravadyr biełaruskich nacyjanalistaŭ. – Miensk: Vyd-va “Hołas Kraju”, 2001. – 36 s.

U.Rodźka – kiraŭnik Biełaruskaje Niezaležnickaje Partyi, major Biełaruskaje Krajovaje Abarony ŭ časie apošniaje vajny. Aprača žyćciapisu hetaha dziejača, u knizie źmieščanyja cikavyja dakumenty Ŭpravy vajskovych spravaŭ Biełaruskaje Centralnaje Rady.

Metriciana. Daśledavańni j materyjały Metryki Vialikaha Kniastva Litoŭskaha. T.I / Athenaeum, Adździeł sacyjalna-histaryčnych navuk Instytutu historyi Nacyjanalnaje akademii navuk Biełarusi. – Miensk: Athenaeum, 2001. – 186 s. – Nakład 300 as.

U knizie sabranyja artykuły z vynikami dośledaŭ Litoŭskaje metryki: U.Śviažynski “Prablema identyfikacyi aficyjnaje movy Vialikaha Kniastva Litoŭskaha”, V.Mianžynski “Paćviardžalny pryvilej 1552 h. miestu Miensku na Majdeborskaje prava” dy inš. Pradajecca ŭ siadzibie BNF i ŭ kramie “Akademkniha”.

Chryścijanski filazafičny zbornik. – Miensk: Encyklapedyks, 2001. – 168 s. – Nakład 500 as. ISBN 985-6599-30-Ch

Źmieščanyja artykuły sučasnych filozafaŭ (Ž.Katje, D.Basty, A.Malinara, B. de Andželisa), a taksama Tamaša Akvinskaha ŭ pierakładzie na biełaruskuju movu. Pry kancy knihi źmieščany łacinska-biełaruski słoŭnik filazafičnych terminaŭ.

H.Osipov, A.Zinov́jev. Biełorusskij front. – Maskva: IŚPI Rośsijskoj akadiemii nauk, 2001. – 50 s. – Nakład 1000 as. ISBN 5-7556-0176-3

Pieradvybarnaje vydańnie. Aśviatlaje sytuacyju ŭ Biełarusi z rasiejska-šavinistyčnych pazycyj. “Nieabrańnie Łukašenki pryviadzie da adryvu Biełarusi ad Rasiei, da aryjentacyi Biełarusi na Zachad”, – śćviardžajecca ŭ vydańni. Brašura raźličanaja na pramyvańnie mazhoŭ tym słavianafiłam i adstaŭnikam, čyja viera ŭ Łukašenku pachisnułasia.

Padrychtavaŭ Viktar Muchin