Kanvejer śmierci: Dakumenty, śviedčańni, uspaminy.
№ 34 (95) 1 śniežnia 1997 h.
Kanvejer śmierci:
Dakumenty, śviedčańni, uspaminy.
Archiŭ Najnoŭšaje Historyi rychtuje da druku zbornik unikalnych dakumentaŭ, apracavanych i padrychtavanych da druku historykam Iharam Kuźniacovym.
Pra masavyja represii napisana niamała. Asablivuju cikavaść da hetych trahičnych staronak historyi tłumačycca pierš za ŭsio imknieńniem vykryć tatalitaryzm u minułym i budučym, nie dapuścić jahonaha recydyvu.
Dakumenty, jakija pradstaŭlenyja ŭ hetaj knizie, dazvalajuć asprečyć sproščanyja na siońnia stereatypy, udakładnić niekatoryja acenki, a značyć, bolš jaskrava ŭjavić adzin z samych składanych i trahičnych peryjadaŭ našaj historyi.
Hetaja kniha składzienaja z dakumentaŭ, biurakratyčnych pavodle pachodžańnia j charaktaru, napisanych kancylarskaj movaj. Jany raskryvajuć mechanizm represijaŭ i kankretnyja sposaby ich ažyćciaŭleńnia, jakija charaktaryzujuć strukturu i pryncypy dziejańnia dziaržaŭnaj mašyny, što stvarałasia dla arhanizacyi kataržnaj pracy j źniščeńnia ludziej u masavych maštabach.
U knizie dajecca analiz stvareńnia i funkcyjanavańnia represiŭnaj systemy na terytoryi SSSR u peryjad z 1920 da pačatku 1950-ch hadoŭ.
Siarod dakumentaŭ, što publikujucca ŭ hetaj knizie — dyrektyvy, pastanovy, zahady, dyrektyŭnyja listy, dakładnyja zapiski i spravazdačy OHPU—NKVD—MHB, rašeńni VKP(b), SNK i UCVK SSSR. U specyjalny raździeł vydzielenyja ŭspaminy ŭradžencaŭ Biełarusi, jakija prajšli praź piekła stalinskich kancentracyjnych lahieraŭ. Bolšaść dakumentaŭ drukujecca ŭpieršyniu.
Sačycie za anonsami!