U Biełarusi sabrali pieršy «kitajski» aŭtamabil, na płatformie Toyota i z matoram Mitsubishi

Infarmacyja pra pašyreńnie liniejki aŭtamabilaŭ, što vypuskajucca na mahutnaściach zavoda ŭ pasiołku Abčak pad Minskam, paćvierdziłasia. Dystrybjutar SP ZAT «Junison» — kampanija «Prahresaŭtacentr» prademanstravała lehkavy aŭtamabil Zotye Z300, jaki ŭ pačatku nastupnaha hoda sydzie z kanviejera i budzie prapanavany pieršym klijentam.

Pakul madel, jakaja niadaŭna prajšła siertyfikacyju dla Biełarusi, isnuje ŭ adnym ekziemplary. U śniežni pačniecca zborka pieršaj partyi. Na pieršym etapie, jak u vypadku z Samand, Zotye płanujuć źbirać z mašynakamplektaŭ, pieršaja partyja jakich užo pastupiła ŭ Biełaruś. Voś tolki košt Zotye i varyjanty madelaŭ, jakija chutka źjaviacca ŭ sałonie, ahučvać nie śpiašajucca — jak bačna, kab kitajski aŭtamabil nie spaścih los iranskaha «skakuna» Samand, vytvorčaść jakoha tak i nie dasiahnuła zajaŭlenych niekali 30 tysiač aŭtamabilaŭ u hod.

Viadoma tolki, što Zotye Z300 u Kitai prapanujecca ad $12 550.

Usio, što viadoma pra novuju mašynu,-- vykanana jana na płatformie Toyota i abstalavanaja matoram Mitsubishi 1,6 ł standartu Jeŭra-4,

U aŭtamabila miechaničnaja karobka pieradač i bienzinavy ruchavik 1,6 ł.

Aŭtamabil abstalavany kandycyjanieram, parktronikam, zadnimi i piarednimi supraćtumannymi farami, CD-płejeram, dźviuma piarednimi paduškami biaśpieki, supraćuhonnaj sistemaj, elektrapryvadam i abahravańniem źniešnich lusterkaŭ zadniaha vidu, rehulavańniem siadzieńniaŭ. Bahažnik adčyniajecca z sałona i z kluča, zadnija kresły ŭ składzienym stanoviščy ŭtvarajuć roŭnuju pavierchniu. Zrazumieła, što pieršuju madel vypuścili ŭ luksavym varyjancie — u mašyny skuranyja siadzieńni i lityja dyski.

Płanujecca taksama, što hetaja viersija budzie abstalavanaja parktronikam i funkcyjaj błakavańnia dźviarej.

Kamientary da artykuła