Łukašenka: Pucin chvareje
dadałosia videa
Aficyjny kiraŭnik Biełarusi zajaviŭ pra prablemy sa zdaroŭjem u prezidenta Rasii.
U intervju ahienctvu Reuters, adkazvajučy na pytańnie, ci hulaje jon u chakiej z Pucinym, Łukašenka skazaŭ:
«Jon kaža, my jašče nie hatovyja z tvajoj kamandaj hulać. Chrybiet dzieści paškodziŭ jon. U baraćbie. Dužaŭsia dzieści na dyvanie i paškodziŭ chrybiet.Tamu adkładajecca naša sustreča. Ja viedaju jaho hetuju prablemu. Jon lubić dužacca.
Dužaŭsia, dužaŭsia, padniaŭ čałavieka, kidaŭ praź siabie, padviarnuŭ chrybiet».
Jak paviedamlajuć ŚMI, pres-sakratar prezidenta Rasii Dźmitryj Piaskoŭ admoviŭsia kamientavać hetyja słovy kiraŭnika Biełarusi. Raniej niekatoryja zachodnija naziralniki źviarnuli ŭvahu, što ŭ Pucina prablemy sa zdaroŭjem i mienavita hetym patłumačyli adsutnaść rasijskaha prezidenta na samicie ŭ Pakistanie i skasavańnie zapłanavanaha vizitu ŭ Turcyju. Pry hetym, Kreml adkinuŭ takija tłumačeńni.