Pasoł Linkiavičus: Litvie była b vyhadnaja «pierazahruzka» adnosin z susiedziami
Pra heta ŭ intervju ahienctvu BNS zajaviŭ pasoł Litvy ŭ Biełarusi, kandydat na pasadu ministra zamiežnych spraŭ Linas Linkiavičus.
Pry hetym jon adznačyŭ, što ŭ źniešniaj palitycy i palitycy biaśpieki vielmi važnaja pierajemnaść, ale źviarnuŭ uvahu na toje, što źmiena ŭrada zaŭsiody stvaraje pieradumovy dla dasiahnieńnia pazityŭnych źmianieńniaŭ u adnosinach ź inšymi krainami.
Viadoma, usie čakajuć [pieramien] u dobrym sensie. Pakolki ŭ adnosinach z susiedziami ŭ nas sapraŭdy jość rezierv, miakka kažučy, to jasna, što peŭnaja „pierazahruzka“ nikoli nie paškodzić. Ja maju na ŭvazie ŭsich našych susiedziaŭ», — skazaŭ Linkiavičus.«Havorki niama — kali prychodzić novaja administracyja, zaŭsiody treba čakać niejkaj „pierazahruzki“.
Pavodle jaho mierkavańnia, u znosinach z susiedziami Litvie varta kiravacca demakratyčnymi kaštoŭnaściami, adnak nie zabyvać i ab praktyčnych intaresach krainy.
Susiedstva zaŭsiody vielmi važnaje. Nam treba kiravacca demakratyčnymi kaštoŭnaściami, ź inšaha boku, uličvać i prahmatyčnyja intaresy našaj krainy, a taksama ekanamičnyja. Heta pavinna być zbałansavana», — adznačyŭ dypłamat.«Ja b vyłučyŭ Paŭnočnyja krainy jak rehijon, u jakim u nas vialikija ambicyi, nadziei i čakańni. Ja b taksama nazvaŭ Polšču, Rasiju, Biełaruś.
«ZŠA — nadzvyčaj važny partnior nie tolki dla Litvy, ale i dla ŭsioj Jeŭropy, u ekanamičnym supracoŭnictvie, i asabliva ŭ płanie arhanizacyi biaśpieki, najpierš u płanie NATO. Heta nielha niedaaceńvać. Litva z momantu adnaŭleńnia niezaležnaści vielmi cenić układ ZŠA va ŭmacavańnie niezaležnaści, suvierenitetu našaj krainy», — skazaŭ dypłamat.Asabliva važnym partnioram, jak ličyć Linkiavičus, pavinny zastacca ZŠA.
Nahadajem, kandydatura Linasa Linkiavičusa prapanavana na pasadu ministra zamiežnych spraŭ Litvy va ŭradzie Alhirdasa Butkiavičusa, jaki 26 listapada dekretam prezidenta byŭ zaćvierdžany na pasadzie prem'