Hleb i Hančarenka vystupili suprać hvałtu adnosna žančyn: BATE dałučyŭsia da akcyi AAN — fotafakt

Zaklučny matč čempijanatu Biełarusi pa futbole BATE suprać salihorskaha «Šachciora» (2:1) vypaŭ na 25 listapada — Mižnarodny dzień baraćby za likvidacyju hvałtu ŭ adnosinach da žančyn, zasnavany AAN u 1999 h.

U hety ž dzień startavała mižnarodnaja inicyjatyva «16 aktyŭnych dzion suprać hvałtu ŭ adnosinach da žančyn», u jakoj štohod udzielničaje i Biełaruś. Raniej u kampanii prymali ŭdzieł bajec Andrej Kulebin, śpievaki Źmicier Vajciuškievič, Alaksiej Šadźko, Alaksandr Patlis i Siaroha, hurty «Drum Ecstasy», «Litesound» i «Atlantica», a taksama roznyja arhanizacyi.

Sioleta zaprašeńnie dałučycca da akcyi za podpisam v.a. pradstaŭnika AAN u Respublicy Biełaruś Juryja Aksamitnaha pryjšło ŭ adras hulcoŭ barysaŭskaha kłuba, a taksama asabista hałoŭnaha treniera Viktara Hančarenki.

«Žoŭta-sinija» z hatoŭnaściu adhuknulisia na prośbu padtrymać važnuju inicyjatyvu.

Pierad matčam kamanda dała abaviazacielstva nikoli nie ździajśniać hvałt, nie apraŭdvać i nie zamoŭčvać faktaŭ hvałtu ŭ dačynieńni da inšych ludziej i zaklikała dałučycca da hetaj kampanii hledačoŭ,

paviedamlaje aficyjny sajt dzieviacirazovaha čempijona Biełarusi.

***

U aŭtorak, 27 listapada, u Minsku, u hateli «Kraŭn-płaza» (vuł. Kirava, 13) adbudziecca pres-kanfierencyja, pryśviečanaja ahulnanacyjanalnaj infarmacyjnaj kampanii, nakiravanaj na praduchileńnie chatniaha hvałtu i baraćbu ź jahonymi prajavami.

Tvaram kampanii stanie sielebryci, viadomaja i lubimaja u Biełarusi i Rasii. Imia Vy daviedajeciesia 27 listapada.

Pačatak pres-kanfierencyi a 11-j.

Kamientary da artykuła