Kapski pra čempijanat SND pa futbole: «Našto abmiarkoŭvać toje, čaho niama?»
Anatol Kapski
«Naša Niva» vyrašyła zapytacca ŭ staršyni praŭleńnia futbolnaha kłuba «BATE» Anatola Kapskaha pra jaho mierkavańnie nakont prapanovy kiraŭnika «Hazprama» Alaksieja Milera zasnavać čempijanat SND pa futbole, jakuju jon ahučyŭ u intervju haziecie «Sovietskij sport».
«Nie chaču navat abmiarkoŭvać hetuju temu, — adrezaŭ Anatol Kapski. — Našto abmiarkoŭvać toje, čaho niama?» Pa jaho słovach, abmiarkavańniu padlahajuć niejkija kankretnyja prapanovy, a ich u dadzienaj situacyi niama.
Nahadajem, što kiraŭnik «Hazpramu» Miler, jaki adnačasova źjaŭlajecca i staršynioj FK «Zienit», vykazaŭ ideju stvareńnia čempijanatu pa futbole siarod krainaŭ SND
«Mnohija ličać, što my mahli b razyhryvać čempijanat SND. Ja taksama źjaŭlajusia pierakananym prychilnikam hetaj idei. Kali nadydzie čas stvarać novy čempijanat, my budziem dziejničać i rabić abdumanyja kroki tolki ŭzhodniena ź ludźmi, jakija padtrymlivajuć metu stvaryć čempijanat pa futbole krain Sadružnaści. Takaja razmova na dniach adbyłasia, tak što adkaz stanoŭčy: moža być, my i budziem hulać u inšym čempijanacie», — skazaŭ Miler.