Numary telefonaŭ palitykaŭ Čechii vykłali ŭ Internet

Numary mabilnych telefonaŭ prezidenta Čechii Vacłava Kłaŭsa, vice-premjera Karaliny Pik, kiraŭnika Minfina Mirasłava Kałoŭsieka, a taksama deputataŭ nižniaj pałaty češskaha parłamienta byli vykładzienyja ŭ internet art-hrupaj Ztohoven, jakaja vystupaje za padkantrolnaść urada hramadzianam.

Jak zajaviŭ češskamu internet-partału Lidovky.cz pradstaŭnik art-hrupy Raman Tyč, Ztohoven cikava, jak skarystajucca mahčymaściu češskija hramadzianie. «My prapanavali im samy pramy sposab demakratyi», — dadaŭ Tyč.

Paviedamlajecca taksama, što art-hrupa płanuje ŭstalavać na adnoj z vulic češskaj stalicy hramadski telefon z prymacavanaj kala jaho doškaj z numarami palitykaŭ, kab haradžanie mieli mahčymaść pahutaryć ź imi, zachoŭvajučy pry hetym ananimnaść.

Kamientary da artykuła