Kupałaŭski teatr moža admovicca ad udziełu ŭ Nacyjanalnaj teatralnaj premii

Udzieł Nacyjanalnaha akademičnaha teatra imia Janki Kupały ŭ Nacyjanalnaj teatralnaj premii zastajecca pad pytańniem. Pra heta zajaviŭ 12 listapada na pres-kanfierencyi ŭ Minsku mastacki kiraŭnik teatra Mikałaj Pinihin.

Režysior rastłumačyŭ, što ŭsia trupa ŭ hety čas znachodzicca na sarakadzionnych hastrolach u Francyi. Takaja dziŭnaja situacyja skłałasia z-za pieranosu terminaŭ praviadzieńnia premii z kastryčnika na listapad.

«U kastryčniku my byli poŭnaściu hatovyja da ŭdziełu. A nakont hastrolaŭ pa Francyi — vy ž razumiejecie, što takija damoŭlenaści zaklučajucca za hod-paŭtara, a to i dva», — zajaviŭ režysior.

Jon zaznačyŭ, što pytańnie ŭdziełu teatra ŭ prahramie moža być vyrašana pakazam zapisu pastanovak na dysku. Adnak kali nie znojdziecca naležnaha pamiaškańnia dla demanstracyi, brać udzieł u premii Kupałaŭski teatr nie budzie.

«Dziŭna było b pakazvać śpiektakl, naprykład, u niejkaj aŭdytoryi ŭniviersiteta kultury ci na małoj scenie Ruskaha teatra, dzie sa 103 čałaviek žury pamieściacca tolki sorak», — zaznačyŭ Pinihin.

Kamientary da artykuła