Nacbanku narešcie ŭdałosia źnizić staŭki mižbanku da 25%
Nacbank RB śćviardžaje, što rynkavymi instrumientami zmoh damahčysia psichałahičnaha i ekanamičnaha pierałomu na mižbankaŭskim i valutnym rynkach krainy. «Psichałahičny i ekanamičny pierałom nastupiŭ. Efiekt — u najaŭnaści, biez publičnych administracyjnych zachadaŭ», — zajaviŭ siońnia namieśnik staršyni Nacbanka Siarhiej Dubkoŭ.
Siarednieŭzvažanaja staŭka AFN pa mižbankaŭskich kredytach oviernajt 8 listapada zvaliłasia da 25%, źniziŭšysia na 9 pracentaŭ. Miž tym u kastryčniku jana časam dachodziła da 50–60%.
Dubkoŭ nie staŭ detalizavać schiemu pracy Nacbanka pa źnižeńni stavak. «My nie raskryvajem svaju taktyku, jak udzielnik rynku», — zajaviŭ jon.
«Peŭnyja vahańni staŭki jašče mahčymyja», — skazaŭ Dubkoŭ. Heta značyć, što staŭka jašče moža trochi padraści.