Siryjskaja apazicyja vybiraje ŭ Katary «adziny front»
Aficyjny pradstaŭnik Siryjskaj nacyjanalnaj rady (SNR), hałoŭnaha kaardynujučaha orhana apazicyi, Asama Manažed u paniadziełak abvierh čutki pra surjoznyja roznahałośsi ŭ šerahach apazicyi padčas pieršaha dnia sustrečy siryjskich apazicyjanieraŭ u Katary. Na joj abmiarkoŭvajecca mahčymaść stvareńnia adzinaha frontu.
Jon zajaviŭ, što pieramovy ŭ Katary nie źmienšać značnaść SNR, jakuju časta krytykujuć za ideałahičnyja roznahałośsi ŭnutry jaje.
Raniej adzin ź siryjskich apazicyjnych lidaraŭ Ryjad Siejf, eks-deputat parłamienta krainy, zajaviŭ, što zaručyŭsia mižnarodnaj padtrymkaj dla stvareńnia novaj hrupy z 50 čałaviek dla kiraŭnictva siryjskimi apazicyjanierami.
Na papiaredniaj kanfierencyi, jakaja prajšła ŭ Kairy ŭ lipieni, sfarmavać adziny orhan kiravańnia apazicyi nie ŭdałosia.
U ciapierašniaj sustrečy prymajuć udzieł nie tolki prychilniki stvareńnia śvieckaj dziaržavy i isłamisty, ale taksama pradstaŭniki kurdskich hrup i ałavidy.